బ్యాటరీని కాపాడే యాప్స్

Advanced Task Killer మీ అండ్రాయిడ్‌కు యాక్టివిటీ మానిటర్‌గా పనిచేస్తుంది. ఎక్కువసేపు ఏదైనా అప్లికేషన్‌ను ఉపయోగించకుండా ఉన్నట్లయితే అటోమెటిక్‌గా క్లోజ్ చేస్తుంది. తద్వారా బ్యాటరీ లైఫ్‌ని రక్షిస్తుంది. అప్లికేషన్ ఓపెన్ చేసి మరచిపోయినప్పుడు బాగా ఉపకరిస్తుంది. డిస్‌ప్లే బ్రైట్‌నెస్‌ను తగ్గించడం ద్వారా బ్యాటరీ సేవ్ చేయడానికి ScreenFilterఉపయోగపడుతుంది. ఈ ఫీచర్ రాత్రివేళ బాగా ఉపకరిస్తుంది. డిస్‌ప్లే పై ఒక షేడ్ మాదిరిగా ఏర్పడటం ద్వారా వెలుతురును డిమ్ చేస్తుంది. గేమ్స్ ఆడుతున్నప్పుడు, వెబ్ బ్రౌజింగ్, ఈ బుక్ రీడింగ్ సమయాల్లో బ్యాటరీ సేవ్ చేస్తుంది. మొబైల్ ఫుల్ చార్జ్ అయిన విషయం తెలియాలంటే Eco-Charger ని ఎంచుకోవాలి. ఇది ఫుల్ ఛార్జ్ కాగానే బీప్‌మని శబ్ధం చేయడం ద్వారా అలర్ట్ చేస్తుంది. తద్వారా పవర్ సేవ్ చేస్తుంది. బ్యాటరీ లైఫ్‌ను పెంచుతుంది. బ్యాటర్ చార్జ్‌డ్ నోటిఫికేషన్, హై వోల్టేజ్ నోటిఫికేషన్, బ్యాటరీ ఓవర్‌హీట్ నోటిఫికేషన్, అడియో నోటిఫికేషన్ ఆన్/ఆఫ్, వైబ్రేషన్ నోటిఫికేషన్ ఆన్/ఆఫ్ వంటి ఫీచర్స్ ఉన్నాయి.
Courtesy-Andhrajyothy